●๋•∂αя∂-є-∂ιℓ●๋•: Mera safar abhi baaki hai....wrriten by PraSuN

wo chu gye kuch yu ki bas asar hi baaki hai..

aa ruk jara ki abhi tera safar baaki hai..
mein rhu na rhu kal e sanam dekh mohabbat meri..
bitaaye the jo pal saath tere, ki abhi unka kafan baaki hai..

jo baithe the hum saath kahin raaho mein pal do pal ke liye..
aa dekh jara uss jagah par,ki kya tera zeher baaki hai...
chod challi hai ab tu jo yun saath mera phir se..
aa dekh, kya ab bhi aur akela karna baaki hai...

beh jaunga yaadon mein mein magar,unn palo ko hi bhulna baaki hai..
koi marne ko na keh de ki abhi, tujhe bhulaana abhi baaki hai..
mein jo wo hu jise hawa tak ne gala diya..
aa dekh meri zindagi kitni akeli hai, ki iss zindagi ko zindagi kehlaana abhi baaki hai...

Few moments of my real life..

wo dekho..
waqt guzar rha tha,
aur mein bhul rha tha wo pal bitaaye saath jo humne..

wo dekho..
haath chooth rha tha..
jo thama tha haath saath humne..

wo dekho..
koi dekh rha tha..
aakhri nazar, jise bhar rakha tha aankho mein humne..

wo dekho,
aansu mera beh rha tha...
jise sambhal rakha tha jaane kabse humne..

wo dekho,
hume unhone yaadon tak se nikal diya..
jinhe yaadon mein bhi dulhan bana rakha tha humne..

wo dekho,
wo koi door hai aur kareeb ab hue hai itne ki..
jeena to chahta hu mein bhi magar, saason ko daba rakha hai humne..

wo dekho,
aaye hai sab rone ab mere janaaze par,
par ye kya, jinhe gair samajhta tha mein,
aaj unhi ke kandho par jagah bana rakha hai humne...

Wrriten by: PRASUN

My choice...

"hansate aankhon mein aansoo bhar gaye,
ek pal kabhi mile nahin bas marte marte zindagi mere naam kar gaye,
chand pal jeena chahati thi uske saath woh toh de na saka,
bas aakhri kuch bachi saansoon ki wasiyat mere daman mein bhar gaye,
umeedon ki hasraton ne bas aarzoo hi ki thi muskurane ki,
ki meri hansi se woh nazuk toote hue armaan dar gaye,
kuch is tarah bikhare gaya woh meri zindagi apni bewafiyon se,
ki mere dabe hue saare arman sanwar gaye,
hum dono wafa bewafiyon ke har mod se guzar gaye,
bas ehsaason ke woh raaste wahin thahar gaye,
woh ja ja kar zindagi se ,
laut ke aata raha,
bas isi ek haqeekat se mere dard ke muaqddar nikhar gaye,
samet rakhe the deewaron ne apne ansoo use dikhane ke liye,
woh chod gaya hai duniya mere liye bewafiyon ka tofhe banakar bas uski isi wafa se bejan deewaron ke aansoo bikhar gaye,
kaha tha maine ki uske baigaar zindagi nahin guzar sakti,
par pata na pada uski judaai mein yeh saal kaise hanste rote guzar gaye,"

Random Poem: Prasun Column

door khade tum itna..
kya gale lagana bhul gaye...
baitha hai aansu teri palak par..
kya usse bahana bhul gaye..

aaj mile hai itne saalo baad..
to kya haq jatana bhul gaye..

kal doori kitni jyada thi ; aaj do chaar kadam par thehre hai...
hoth hai chup ; saasein bhi chup ; bas dhadkan ko chup karana bhul gaye...

mein ro nahi rha bas khush hu tuje dekh kar..
aur issi khushi mein aansu chupana bhul gaye..

aa poch doo uss palak baithi boond ko...
jo teri nazaro ko sajana bhul gayi..
ab haq bhi nahi kya mera itna..ki ek nazar bhar kar dekh lun..
abhi hi to aaye the pal bhar pehle..aur aur der rukna bhul gaye..

ruk ja ; na jao ab ,bas muje satana na bhul gaye..
jo jaa rahe ho wapas ab tum..kya gale lagana bhul gaye..
kya gale lagana bhul gaye...

Copied..

Chehre par mere zulf ko phailaao kisii din
Kyaa roz garajte ho baras jaao kisii din

Raazon kii tarah utro mere dil mein kisii shab
Dastak pe mere haath kii khul jaao kisii din

Pedon kii tarah husn kii baarish mein nahaa loon
Baadal kii tarah jhoom ke ghir aao kisii din

Khushbuu kii tarah guzro mere dil kii galii se
Phoolon kii tarah mujh pe bikhar jaao kisii din

Phir haath ko Khairaat mile band-e-qabaa kii
Phir lutf-e-shab-e-vasl ko dohraao kisii din

Guzrein jo mere ghar se to ruk jaaye sitaare
Iss tarah merii raat ko chamakaao kisii din

Main apni har ik saans usii raat ko de doon
Sar rakh ke mere siine pe so jaao kisii din...

Moments happened in my life...read in my words...

likhtha nahi bas kehta hun, aalam apne unn lamho ka,
jo kabhi pal bana kabhi dil bana, wo mausam jaise apno ka..

wo mile iss tarah the ki ho koi musafir iss raste ka..

wo chal pada phir saath mere..
aur tez bahut tez challa..
wo ruk gya kuch ik pal ke liye,
aur thaher gya har pal ke liye..

wo mile iss tarah the ki ho koi musafir iss raste ka..

mein dekhta rha uski taraf ki aaye wo paas mere..
bas ek tuk dekhta rha..
bas ek tuk dekhta rha..
dekhta rha ashko ko palko par sajtey hue..
mein bhadta rha aur wo dheeme dheeme nazar se ojhal hui..
aur ojhal hui inn sapno se..

wo mile iss tarah the ki ho koi musafir iss raste ka..
mein chalta rha, aur ab yaad hai to bas ki koi tha jo ..
koi tha jo mila tha musafir iss raste ka...

Kuch rang aankhon me itne saare...wrriten by Prasun

kuch rang hai itne saare ki bikhare bikhare se lagte hai..
jo saath hai wo nahi ; jo door hai wo apne se lagte hai...

kuch sapne aankho mein itne saare..
ki dekhe dekhe se lagtey hai..
ab poore hue jo khawab mere, to iraade toote toote se lagtey hai..

kuch rang hai itne saare ki bikhare bikhare se lagte hai..
pal ho jab khud Do pal ka ; tab har pal apne se lagte hai...

kuch baatein yaadoan mein itni saari..
ki khwabon mein batiyaane lagte hai..
wo baatein nahi par saasein thi meri..
jo yaad aane par tootne lagti hai..

kuch muskurahat teri itni pyaari..
ki mere aansu bhi palko se aisa kehtey hai..
tu door kahin khwabon mein mere
aur yaad karun to tu roothne lagti hai...

kuch rang hai itne saare ki bikhare bikhare se lagte hai..
jo saath hai wo nahi ; jo door hai wo apne se lagte hai..

●๋•∂αя∂-є-∂ιℓ●๋•

Love is like...

Saturday, May 8, 2010

Mera safar abhi baaki hai....wrriten by PraSuN

1 comment: